Оросын 2 дахь том цахим худалдааны платформ Монголд нэвтэрлээ. Өнгөрсөн жил урд хөршийн цахим худалдааны гигант PDD Holdings (PDD) Temu-г Монголд албан ёсоор нэвтрүүлж байсан бол энэ жил хойд хөршийн цахим худалдааны аварга албан ёсоор ороод ирлээ. 

• 🤓 Товч танилцуулахад, Ozon одоогоор Оросоос гадуур Казахстан, Армени, Беларусь зэрэг 8 улсад үйл ажиллагаа явуулж байгаа бөгөөд 69.2 сая идэвхтэй худалдан авагчтай. Үүний дийлэнх нь оросууд. 

🤔 Хэр том юм? 

Монгол Ozon-н 9 дэх гадаад зах зээл болж байна. Уг платформ манай улсад албан ёсоор орж ирснээр бид өнөө танил дотно баавгайтай чихэр, мармеладаас эхлээд 90 сая гаруй Оросын бараа, бүтээгдэхүүнийг илүү өргөн сонголттойгоор шууд захиалах боломжтой болж байна. Сонирхолтой нь тус платформыг Amazon (AMZN)-н “A Copy” буюу 1998 онд цахим номын дэлгүүрээр үйл ажиллагаагаа эхэлж, 2018 онд платформоо өргөжүүлж маркетплейс болсон түүхтэй. 

• ➖  Хэдий 2020 онд Nasdaq (^IXIC) болон Москвагийн хөрөнгийн бирж дээр зэрэг IPO хийж байсан ч 2023 онд Nasdaq-н бүртгэлээс хасагдаж байжээ. 
• 🤔 Мэдээж Оросын Ozon гэхээр л шууд Орос өлгий тэргүүтэй чанартай бараа, бүтээгдэхүүний төсөөлөл буух нь лавтай. Гэвч тус платформ дээрх нийт борлуулагчдын 20% гаруй нь Хятад дэлгүүрүүд төдийгүй Турк дэлгүүрүүд ч бий. 

🔎 Зах зээлд хэрхэн нөлөөлөх вэ? 

Юутай ч Улаанбаатар дахь Оросын ордны мэдээлснээр Ozon Монгол Шуудан ХК (MNP)-ийн сүлжээг ашиглан хүргэлтээ хийх аж. Тэгэхээр $MNP-н сүлжээ хэр өргөн билээ, хот, хөдөөгүй л хүргэлт хийх боломжтой гэсэн үг. Хүргэлтийн хугацаа нь эхний ээлждээ 10 хоног байх юм гэсэн. 

Эцэст нь… Монголын цахим худалдааны салбарт хэзээ хэзээнийхээс илүү өргөжин, тэлж хил дамнасан худалдааны боломжууд нэмэгдэж байна. Хэрэглэгч талаасаа олон сонголттой болж буй нь мэдээж талархууштай зүйл. Гол нь эдгээр платформууд дээр бид өөрсдийн “Made in Mongolia” тэмдэглэгээтэй бүтээгдэхүүнүүдээ байршуулах, бага гэж голохгүйгээр гадаад зах зээлийн сувгаа өргөжүүлэх талаас нь бодохгүй бол.