Mongol iD Holdings болон Kompanion Bank хамтран Киргизийн төлбөрийн системийн инновацыг шинэ түвшинд гаргана
Lemon Press
4 сарын 4, 2025
4 сарын 4, 2025
Их Британид төвтэй ОУ-д төлбөрийн системд суурилсан санхүүгийн бүх төрлийн үйлчилгээ үзүүлэгч Mongol iD Holdings компани Киргизийн тэргүүлэх санхүүгийн байгууллагуудын нэг Kompanion Bank хамтран Киргизийн зах зээлд хамгийн дэвшилтэт технологид суурилсан төлбөрийн шийдлийг нэвтрүүлэх зорилгоор санамж бичиг үзэглэлээ.
Ийнхүү Киргизийн хэрэглэгчдэд болон бизнес эрхлэгч нарт орчин үеийн, аюулгүй, үр ашигтай төлбөрийн шийдлүүдийг хүргэх томоохон алхам хийгдэж байна. Энэхүү хамтын ажиллагааны үндсэн дээр Kompanion Bank-д шинэ үеийн худалдааны Acquiring system, SoftPos, нэгдсэн QR дэд бүтэц, автоматжуулсан санхүүгийн бүх төрлийг үйлчилгээг Mongol iD Holdings компанийн ОУ-д патентлагдсан технологийн үндсэн дээр нэвтрүүлэх боломжийг олгох юм.
Тус хамтын ажиллагааны үндсэн гүйцэтгэлийг хэрэгжүүлэхээр энэ өдөр Mongol iD Holdings Киргиз дэх охин компани болох Minu Payment Solution LLC-ийг нээж албан ёсоор үйл ажиллагаагаа эхлүүлж байна. Тус компани энэ өдрөөс эхлэн Киргиз дэх бизнес эрхлэгч нарт төлбөрийн системийн цогц үйлчилгээ, acquiring шийдэл, дижитал санхүүгийн дэд бүтцийг хүргэхэд бэлэн болжээ.
Бид дотоодод амжилттай хэрэгжсэн өөрсдийн технологи, төлбөрийн системийн дэд бүтцээ Киргизэд амжилттай нээж буйд баяртай байна. Манай компанийн шийдлүүд нь хамгийн жижиг микро бизнесээс эхлээд жижиглэнгийн худалдаа эрхлэгч, жижиг дунд бизнес эрхлэгч гэх мэт бүх төрлийн бизнес эрхлэгчдийн үйл ажиллагааг хялбаршуулах, үр ашгийг нэмэгдүүлэх чиглэнэ.
Minu Payment Solution компанийн Гүйцэтгэх захирал Б.Бодьгэрэл
Kompanion Bank санхүүгийн дэд бүтцийг бэхжүүлж, инновацад чиглэсэн аливаа санаачилгыг үргэлж дэмжсээр ирсэн. Өнөөдөр эхэлж буй хамтын ажиллагаа ч үүний нотолгоо болж байна. Mongol iD Holdings компани Киргиз улсад шинэ салбараа нээж буй нь манай хоёр компанийн хувьд төдийгүй манай улсын санхүүгийн салбарын хувьд чухал алхам болж байна. Minu Payment Solutions компанийн санал болгож буй орчин үеийн төлбөрийн систем, дижитал шийдлүүд нь манай улсын бизнес эрхлэгчдийн салшгүй хэрэгсэл болж, илүү үр ашигтай, аюулгүй, шуурхай ажиллах боломжийг олгож буйг онцолж байна.
Kompanion Bank-н Гүйцэтгэх захирал Черикбаева Маргарита
Kompanion Bank нь Киргизийн тэргүүлэх банкнуудын нэг бөгөөд бизнесийг дэмжих, санхүүгийн хүртээмжийг нэмэгдүүлэх үндсэн чиглэлээр үйл ажиллагаа явуулдаг. Өдгөө тус компани дотооддоо 100 гаруй салбар, 3,000 орчим агенттайгаар үйл ажиллагаа явуулж буй бөгөөд Киргизийн хамгийн алслагдсан бүс нутгуудад ч санхүүгийн үйлчилгээг амжилттай хүргэх үндсэн нөхцөлийг бүрдүүлж байна.
Түүнчлэн Kompanion Bank нь Тогтвортой хөгжил болон нийгмийн хариуцлагыг эрхэмлэж ирсний хувьд ОУ-ын банкнуудын холбоо болох Global Alliance for Banking on Values (GABV)-н Киргиз дэх цор ганц гишүүн банк юм.
Монгол улсад 2015 онд үүсгэн байгуулагдсан Mongol iD Holdings нь бүс нутгийн финтек салбарт тэргүүлж, зэх зээлд анх удаа нэвтрүүлсэн олон технологийг амжилттай хэрэгжүүлснээр зөвхөн дотоодод 2025 оны эхний улирлын байдлаар 40,000 хэрэглэгчтэй болсон байна. Мөн энэ оны онцлох амжилт нь Их Британийн Засгийн газрын “Глобал Энтрепренер Программ”-д оролцож төв оффисоо Их Британи руу шилжүүлсэн явдал юм.
Нээлтийн үеэр Mongol iD Holdings компанийн ОУ-ын Стратеги хариуцсан захирал Б.Төгстөгөлдөр: Манай компанийн ОУ-ын шинэ салбар Киргиз улсад нээгдэж буй нь зөвхөн бизнесийн цар хүрээгээ тэлж буйгаас өргөн ойлголт юм. Бид энэ ажлыг цаашид Их Британи болон Төв Азийн хооронд дижитал гүүр байгуулах томоохон зорилгын эхлэл гэж авч үзэж байгаа гэж дурдсан нь тус компанийн Төв Азийн өргөн зах зээлд хүрч, бүс нутгийн хэмжээнд үйл ажиллагаагаа өргөжүүлэх стратегийн сууриа тавьж буй явдлыг улам бүр баталгаажуулж байна.
Эх сурвалж: Mongol iD Holdings
NEWSLETTER
Хөрөнгө оруулалт, бизнесийн тоймыг 5 минутад
Таны шийдвэр гаргалтад зайлшгүй хэрэгтэй мэдээллийг агуулсан имэйл товхимлыг ажлын өдөр бүр, өглөө 07:00 цагт үнэгүй илгээнэ.
Сэтгэгдэл
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд lemonpress.mn хариуцлага хүлээхгүй.