Хятадын Senior Auto Монголын нүүрс тээвэрт жолоочгүй, хүнд даацын автомашин нэвтрүүлэхээр “Дорнын түншлэл” Бизнесийн зөвлөл болон Тайжи Зонд ХХК-тай хамтран ажиллана.

• 🧩 Бяцхан танилцуулга: Senior Auto 2020 онд байгуулагдаж, өөрсдийнх нь мэдээлснээр 100 гаруй харилцагчтай, 1,000 гаруй жолоочгүй автомашиныг зах зээлд нийлүүлээд буй. 

🧠 Хүнгүй + биет хиймэл оюун  

Уг хамтын ажиллагааны хүрээнд талууд Хятад, Монголын хил дамнасан холын нүүрс тээвэрт, жолоочгүй хүнд даацын автомашинуудыг турших төдийгүй биет хиймэл оюун нэвтрүүлэх туршилт хийхээр төлөвлөж байгаа гэнэ. Senior Auto-н хувьд үүнээс өмнө буюу энэ онд Өвөр Монголын Мандал боомтын хил дамнасан тээвэрт жолоочгүй хүнд даацын автомашинуудыг нийлүүлж, туршсан туршлагатай компани аж. 

⛏️ Хүнгүй нүүрс тээврийн автомашины хөгжил

Манай улс нүүрсээ хилээр жолоочгүй автомашинаар тээвэрлэж эхлээд 4 жил гаруй болж байна. Тухайлбал, хамгийн анх 2022 оны 7-р сард Гашуунсухайт-Ганцмод, 12-р сард нь Шивээхүрэн-Сэхэ боомтууд тус технологийг нэвтрүүлж байв. Улмаар энэ оны эхээр $50.9 саяын хөрөнгө оруулалттай Ханги-Мандал боомтод жолоочгүй нүүрс тээврийн төсөл хэрэгжиж эхэлсэн билээ.  

• 🔦 Тус төслийн эхний ээлжид 10 жолоочгүй автомашин нэвтрүүлэхээр төлөвлөж, 1 тээврийн хэрэгслийн даац 80 тн, дээд хурд нь 25 км/цаг байх аж. Ажиллагааны хувьд Монголоос Хятадын гаалийн хяналтын бүс хүртэл ердөө 25 минутыг зарцуулж буй нь жолоочтой ачааны автомашинаас бараг 60%-иар бага хугацаа юм.

Хэдий 3 боомтод жолоочгүй нүүрс тээврийн технологи нэвтэрсэн ч нийт экспортод эзлэх хувь нь маш бага. Жишээ нь, өнгөрсөн онд Шивээхүрэнгийн терминалын нийт тээвэрлэлтийн 9% буюу 8.2 сая тн нүүрсийг жолоочгүй тээвэр эзэлжээ.

Эцэст нь… Жолоочгүй тээвэр осол бууруулах, цаг, мөнгө хэмнэх давуу талтай ч боомтын нэвтрүүлэх чадварыг нэмэгдүүлэхгүй. Хятадын тал нэвтрүүлэлтээ удаашруулбал одоогийнх шиг л оочирлоно. Одоогоор дийлэнх нүүрсээ авто замаар тээвэрлэж буй манайх шиг улсад бол дажгүй л шийдэл юм даа.