4K, 5K нягтрал, 120Гц сэргээх хурд, Thunderbolt 4 болон Mac-д зориулсан өнгөний тохируулгыг хослуулсан BenQ MA Series-н нийт 5 загварыг Монголын зах зээлд танилцууллаа.

BenQ-н Mac болон MacBook хэрэглэгчдэд зориулсан MA Series мониторын Монгол дахь албан ёсны нээлт 8-р сарын 20-нд болж, тус цувралын нийт 5 загварыг танилцууллаа. Цувралд 4K болон 5K нягтралтай, Nano Matte болон Nano Gloss дэлгэцийн сонголттой, 120Гц сэргээх хурд болон Thunderbolt 4 холболтыг дэмжих загварууд багтаж байна.

Mac хэрэглэгчдийн хувьд нэмэлт дэлгэц сонгохдоо нягтрал, өнгөний нийцэл, холболтын боломж зэрэг үзүүлэлт чухал. Ялангуяа зураг, дизайн, видео зэрэг визуал контенттой ажилладаг хэрэглэгчдийн хувьд MacBook-н дэлгэцтэй өнгөний хувьд зохицох, өндөр нарийвчлалтай дүрслэл үзүүлэх нэмэлт мониторын хэрэгцээ нэмэгдэж байна.

Энэ хэрэгцээнд зориулан бүтээгдсэн MA Series нь Mac төхөөрөмжтэй ажиллахад чиглэсэн өнгөний тохируулга, USB-C холболт, программын удирдлага болон өөр өөр хэрэглээнд нийцсэн хэд хэдэн сонголтыг нэг цувралд багтаажээ.

Matte vs Glossy: Аль дэлгэцийн гадаргуу танд тохирох вэ?

Нээлтийн үеэр танилцуулсан MA Series-н загваруудыг дэлгэцийн гадаргуугаар нь Nano Matte болон Nano Gloss гэсэн хоёр үндсэн сонголтод хувааж болно.

MA270U болон MA320U нь Nano Matte дэлгэцтэй бөгөөд 4K UHD нягтрал санал болгоно. Matte гадаргуу нь орчны гэрлийн ойлтыг багасгаж, өдөр тутмын ажил болон удаан хугацаагаар дэлгэц ашиглахад илүү тайван харагдац бүрдүүлэхэд чиглэсэн.

Харин MA270UP болон MA320UP нь Nano Gloss дэлгэцтэй. Илүү гялалзсан гадаргуу нь дүрсний тод байдал, өнгөний амьд мэдрэмжийг илүү онцлохыг хүсдэг хэрэглэгчдэд зориулсан сонголт юм.

Ингэснээр хэрэглэгчид зөвхөн техникийн үзүүлэлтээр бус, өөрийн ажлын орчин болон харах хэв маягтаа тохируулан дэлгэцийн гадаргуугаа сонгох боломжтой болж байна.

MacBook-тэй нэг кабелиар холбогдох боломж

MA270U болон MA320U нь 4K UHD нягтралтай бөгөөд Mac төхөөрөмжийн дүрслэлтэй нийцүүлэхээр тохируулсан Mac-tuned color matching технологийг ашигладаг.

Мөн USB-C холболтоор 90Вт хүртэлх Power Delivery дэмждэг тул MacBook-г дэлгэцтэй нэг кабелиар холбохын зэрэгцээ цэнэглэх боломжтой. Энэ нь ажлын ширээн дээрх кабелийн тоог багасгаж, MacBook-г гэр болон оффисын өөр өөр орчинд ашигладаг хэрэглэгчдэд илүү цэгцтэй ажлын орчин бүрдүүлэх давуу талтай.

Display Pilot 2: Mac-аасаа дэлгэцээ удирдана

MA Series-н хэрэглээний туршлагыг Display Pilot 2 программ дэмжинэ. Уг программын тусламжтайгаар хэрэглэгчид Mac төхөөрөмжөөсөө дэлгэцийн гэрэлтүүлэг, дууны түвшин зэрэг тохиргоог шууд удирдах боломжтой.

Ингэснээр мониторын тохиргоог дэлгэц дээрх физик товчлуураар хийхээс гадна Mac-ийн ажлын орчноос шууд удирдах боломж бүрдэж байгаа юм.

Apple Studio Display-тэй нэг ангилалд: MA270S юугаараа ялгарах вэ?

Нээлтийн үеэр танилцуулсан загваруудаас MA270S нь 27 инчийн 5K буюу 5120×2880 нягтрал, 218 ppi пикселийн нягтралтай гэдгээрээ онцлог. Энэ нь Mac хэрэглэгчдийн сайн мэдэх өндөр нарийвчлалын 5K дэлгэцийн ангилалд багтах бөгөөд зураг, дизайн, видео зэрэг нарийн детал шаарддаг ажилд чиглэжээ.

Мөн 99% P3 өнгөний хамрах хүрээ, 2000:1 контрастын харьцаатай. Харин MA270S-н гол ялгарал нь зөвхөн Apple-н экосистемээр хязгаарлагдахгүй, Mac болон Windows төхөөрөмжтэй ажиллахад илүү универсал ажлын орчин бүрдүүлэхэд чиглэж байгаад оршино. Thunderbolt 4 холболт болон Smart KVM-н тусламжтайгаар олон төхөөрөмжтэй ажилладаг хэрэглэгчдийн ажлын урсгалыг хялбарчлах боломжтой.

4K ба 120Гц: MA320UG видео бүтээгчдэд

Цувралын өөр нэг онцлох загвар болох MA320UG нь 4K нягтралыг 120Гц сэргээх хурдтай хослуулсан. Энэ нь хөдөлгөөнт дүрс болон видео контентыг илүү жигд харуулахад чиглэсэн бөгөөд видео бүтээгчид болон мультимедиа чиглэлээр ажилладаг хэрэглэгчдэд тохиромжтой.

Тус загвар нь 98% P3 өнгөний хамрах хүрээ, 2000:1 контрастын харьцаатай. MA270S-н нэгэн адил Thunderbolt 4 холболт болон Smart KVM-г дэмжих бөгөөд өндөр хурдны холболт, цэнэглэлт, daisy-chain зохион байгуулалт болон олон төхөөрөмжийн хооронд шилжих боломжийг санал болгоно.

Аль загвар нь танд тохирох вэ?

Ийнхүү 8-р сарын 20-нд болсон нээлтийн үеэр танилцуулсан 6 загвар нь хэрэглээний өөр өөр хэрэгцээнд чиглэж байна.

• MA270U, MA320U — 4K нягтрал, Nano Matte дэлгэц, 90Вт хүртэлх USB-C Power Delivery бүхий өдөр тутмын ажил болон бүтээлч хэрэглээний сонголт.
• MA270UP, MA320UP — 4K нягтралтай, Nano Gloss дэлгэцийн гадаргуутай, илүү тод, гялалзсан дүрслэлийг сонирхдог хэрэглэгчдэд зориулсан хувилбар.
• MA270S — 5K нягтрал, 218 ppi, 99% P3 өнгөний хамрах хүрээтэй, дизайн, гэрэл зураг болон нарийн визуал контенттой ажилладаг мэргэжлийн хэрэглэгчдэд чиглэсэн загвар.
• MA320UG — 4K нягтрал, 120Гц сэргээх хурд, 98% P3 өнгөний хамрах хүрээтэй, видео болон мультимедиа контент бүтээгчдэд зориулсан загвар.

Монголд хэзээнээс худалдаалах вэ?

Нээлтийн үеэр танилцуулсан MA Series-н эхний хоёр загвар болох MA270U болон MA320U нь Монголд худалдаалагдаж эхэлсэн бөгөөд PC Mall-н дэлгүүрүүд болон цахим худалдааны сувгаар авах боломжтой.

Харин MA270UP болон MA320UP Nano Gloss загварууд 2026 оны 10-р сард, 5K нягтралтай MA270S болон 120Гц сэргээх хурдтай MA320UG загварууд оны сүүлээр Монголын зах зээлд худалдаанд гарахаар төлөвлөгджээ.

Ингэснээр BenQ-ийн MA Series нь MacBook-н дэлгэцийг томруулах энгийн нэмэлт мониторын сонголтоос эхлээд зураг, дизайн, видео үйлдвэрлэл зэрэг мэргэжлийн хэрэглээнд зориулсан өндөр үзүүлэлттэй дэлгэц хүртэлх сонголтыг Монголын хэрэглэгчдэд санал болгож байна.

Эх сурвалж: BenQ