Investment With булангийн ээлжит дугаарт Инвескор ББСБ ХК-ийн Санхүү удирдлага, хөрөнгө зохицуулалтын газрын захирал С.Тулга оролцож бидний уламжлалт асуултуудад хариуллаа.

Боловсрол:

Санхүүгийн менежментийн бакалавр зэрэгтэй.

Карьер:

Инвескор ББСБ ХК-н Санхүүгийн удирдлага, хөрөнгө зохицуулалтын газрын захирал

Голомт банкны Кастодиан банкны хэлтсийн Ахлах менежер

8 жилийн турш санхүү, хөрөнгийн зах зээл ажиллаж буй туршлагатай.

Таны хамгийн өндөр өгөөжтэй санхүүгийн хөрөнгө оруулалт юу байсан бэ?

2020 оны 10-р сард Boeing-ийн (BA) хувьцааг нэгж нь $143 байхад авч байсан. Одоо 80%-ийн ашигтай явж байна.

Таны хамгийн их алдаж байсан хөрөнгө оруулалт юу байсан бэ?

S&P 500 (SPX) болон газрын тосны арилжаа хийгээд алдаж байсан. Хөрөнгийн зах зээлийн талаар хангалттай ойлголттой болоогүй байж богино хугацаанд өндөр ашиг олох гэж улайрснаас болсон л доо. Үүнээс мэргэжлийн арилжаачин биш л бол урт хугацааны хөрөнгө оруулалт хийх нь зүйтэй гэдгийг ойлгож авсан.

КОВИД-19-ийн үед ямар хөрөнгө оруулалтын тактик баримтлах вэ?

Үнэ цэнтэй хувьцаануудыг хямд байхад нь авч, цуглуулна. Ингэхдээ аз туршихгүйгээр дунд хугацааны хөрөнгө оруулалтын төлөвлөгөө боловсруулан, түүн дээрээ үндэслэн шийдвэр гаргана.

Хувийн санхүүгийн зөвлөгөө өг гэвэл?

Тогтмол орлогоосоо бага багаар хадгалж, 3–5 жилийн дараа “эрдэнэ” мэт болох хувьцаануудаар багц бүрдүүлэх нь зүйтэй. Гол нь хэт яарах хэрэггүй. Хувьцааг хямд үнээр авах боломж үргэлж гарч ирдэг.

Яг одоо 10 сая төгрөгтэй байсан бол юунд хөрөнгө оруулалт хийх вэ?

5G технологи, сэргээгдэх эрчим хүч, мөн цар тахлын өвчний эсрэг вакцин гарснаар хурдан сэргэх боломжтой аялал жуучлал гэх мэт салбаруудад хөрөнгө оруулна.

Уншигчдад санал болгох үзэх, унших, сонсох зүйлс.

Үз: Margin Call, Boiler Room, Wall Street

Унш: One Up On Wall Street

Сонс: Bloomberg Surveillance, Motley Fool, Exchanges at Goldman Sachs

2021.03.25-ны Lemon Press товхимлын хэсгээс…

Манай сошиал хаягууд:

• Facebook
• Instagram
• Twitter
• LinkedIn
• YouTube