Манайхны 77%-д нь Facebook бол өдөр тутмын мэдээллийн хамгийн чухал эх сурвалж нь гэнэ. Тэгвэл энэ гол эх сурвалжаар ямар мэдээлэл урсаж байна вэ? 

😱 6 жил, 60 мянган зар 

2020 оны 8-р сараас хойш Монголын Facebook хэрэглэгчдэд хүрсэн улс төр, нийгмийн асуудлын 60,549 сурталчилгаатай контент, мэдээлэл бүртгэгдсэн бөгөөд үүнд нийт $2.3 саяыг зарцуулжээ. Сурталчилгаа явуулсан 9,159 хуудасны 89% нь $100-оос бага мөнгө зарцуулсан бол хамгийн ихийг төлсөн 100 хуудас нийт дүнгийн 60%-ийг бүрдүүлж байна. Тэргүүлэгч 5-д Э.Батшугар, ХҮН нам, Ард түмний ялалт хуудас, Б.Пүрэвдорж, МАН багтав.

• 📌 Зарын 40% нь санхүүжүүлэгчээ зарлаагүй: Нийт сурталчилгааны 24,481 буюу 40% нь хэн төлснийг заасан тэмдэглэгээгүйгээр цацагджээ. Харин сүүлийн 90 хоногт энэ үзүүлэлт 52%-д хүрсэн байна.

⌛️ Өнгөрсөн 3 сар 

Харин сүүлийн 90 хоногийн хугацаанд 591 хуудас 1,846 сурталчилгаа явуулжээ. $100 -оос дээш дүнг зарцуулсан 56 хуудасны нийт дүн $31.4 мянга. Өөрөөр хэлбэл, МАН-ын даргын өрсөлдөөний үеэр Facebook-н сурталчилгаанд $90 мянгыг зарцуулсан бөгөөд энэ дүнгийн 1/3-ийг 56 хуудсаас гаргасан хэрэг. Хамгийн их сурталчилгаа явуулсан цахим хуудсаар Л.Гантөмөр, Э.Золбоо, М.Энхцэцэг нар нэрлэгдэж байна.

Эцэст нь... Баримтаар 2 сонгууль давхацсан 6 жилд ₮8.3 тэрбум зөвхөн Facebook-н сурталчилгаанд урсаж. Meta улс төрийн гэж ангилаагүй сурталчилгаа энэ дүнд ордоггүй тул бодит зардал үүнээс их байж болзошгүй гээд л бод. Одоо ирэх 2 онд дараалсан сонгуулиуд болно. Тэр үед Монголчуудын мэдээллээ авдаг гол сувгаар ямар тархи угаалт, худал амлалтын бөмбөгдөлт явагдаж хэчнээн төгрөг үрэгдэх юм байгаа юм.