16 дахь жилдээ зохион байгуулагдаж буй Монголын Эдийн Засгийн Форум нь Монгол Улсын Засгийн газар, аж ахуйн нэгж, иргэд болон олон улсын хөрөнгө оруулагчдын уулзан танилцах, үр ашигтай төсөл хөтөлбөрүүдийг танилцуулах, асуудлаа хэлэлцдэг хамгийн том форум билээ. 7 сарын 8, 9-ний өдрүүдэд Төрийн Ордонд болох Форумын 2025 оны хөтөлбөрийн хүрээнд Монголын Эдийн Засгийн Форумын Тэргүүн Ч.Ганхуяг, Эдийн засаг, хөгжлийн Сайд Н.Учрал нар хэвлэл мэдээлэлд нээлттэй танилцуулга хийлээ.

Энэ удаагийн Форум нийт 4,500 гаруй оролцогчдыг хамрах ба:

• Засаглал ба Бизнесийн орчин,
• Дэд бүтэц ба Хөрөнгө оруулалт,
• Шинэ эдийн засаг,
• Уул уурхай ба Стратегийн нөөц сэдэвт Нэгдсэн хуралдаан, 12 салбар хуралдаан, 8 дугуй ширээний ярилцлага хийгдэж, 100 гаруй хэвлэл мэдээллийн хэрэгсэл сурвалжилна. Мөн 500 Төр засгийн төлөөлөгчид, 900 ААН, ТББ, эрдэмтэн, 700 олон улсын зочид, 100 модератор, панелист, 100 ивээн тэтгэгч байгууллага, 100 сайн дурын ажилчид, 2,000 гаруй залуусын төлөөлөл оролцоход бэлэн болжээ.

Маргаашийн төлөө Хамтдаа уриатай "Монголын Эдийн Засгийн Форум 2025"-ыг зорин ирэх олон улсын хүндэт зочдоос дурдвал, CNN агентлаг, J.P.Morgan (JPM), Meta (META), TikTok, The Asia Group, Швейцарын алдарт Breitling, Дэлхийн Банк, Европын Сэргээн Босголт, Хөгжлийн Банк, Азийн Хөгжлийн Банк, НҮБ-ын Цөлжилттэй Тэмцэх Конвенц (UNCCD), Их Британийн Тээврийн яам, Их Британийн экспортын даатгалын агентлаг, Солонгосын Шилжилт хөдөлгөөний судалгаа, сургалтын төв, Global Dignity, The August Fest, CC Technology, The Gideon Group, MPP&E Capital, Redhill зэрэг 500 орчим шийдвэр гаргах түвшний зочид, хөрөнгө оруулагч, ивээн тэтгэгчид ирж буй.

🔗 ЭНД дарж форумд нэгдээрэй. 

Эх сурвалж: Монголын Эдийн Засгийн Форум 2025