Өнөө инфляц чинь бүр гаараад өглөө. Өнгөрсөн сарынх 12.5% болоодхов. Ер нь яанам бэ?

👿 20%-иас буухгүй ээ, хөӨнгөрсөн оны мөн үед хүнсний инфляц 9.9% байсан бол одоо 21.5% болсон аж. Улмаар хүнсний инфляц 5-р сараас хойш 20%-д хадгалагдаад байна. Тэр тусмаа баруун бүсийн хүнсний үнэ бүр жилийн өмнөхөөсөө 26.4% өсжээ гэж. Яана даа яана.    

• 💨 Хүнсээр зогсохгүй, зогсохгүй: Инфляцын дарамт зөвхөн хүнсээр хязгаарлагдахгүй, үйлчилгээний үнэ ч мэдэгдэхүйц өссөн байна. Тодруулбал, боловсролын үйлчилгээ 17.4%, санхүү, даатгалын үйлчилгээ 17.1%, зочид буудал, нийтийн хоолны үнэ 16.4% тус тус нэмэгджээ. Монголд үнэ нь өсөөгүй барааг олох нь өвсөн дундаас зүү хайхтай ижил гэлтэй.

🪫 Оны төгсгөлд бүр хэцүү

Энэ оны 5-р сараас өмнөх 31 сард инфляц 1 оронтой тоонд хадгалагдаж байсан. Үүнээс хойш ердөө 5 сарын дотор байдал тун хүнд болсон нь энэ. Бүр болоогүй шатахууны хомсдол, үнийн өсөлт нь бүх салбарын тээвэр логистикийн зардлыг нэмэх замаар инфляцыг өдөөсөөр байгаа. Улмаар оны төгсгөлд инфляц 18.6%-д хүрэх магадлалтай байгаа юм. Тэгвэл сүүлийн 16 жилд байгаагүй өндөр түвшинд очно гэсэн үг.

• 📌🤔 Тэгвэл яах билээ? Энэ 9 сарын 17 болон 12 сарын 17-нд Монголбанк мөнгөний бодлогын шийдвэр гаргана. Өнгөрсөн сарын шийдвэрээр бодлогын хүүг 0.5 нэгж хувиар нэмж 12.5% болгоод тогтсон. Харин одоогийн үнийн өсөлтөөс шалтгаалж дараагийн шийдвэрүүдээр мөнгөний бодлогыг улам хатууруулах магадлалтай. Хэрэв тэгвэл зээл, санхүүжилт үнэтэй болж зах зээл улам хумигдана.  

Эцэст нь… Өнгөрсөн улирлын хэрэглэгчийн итгэлийн индекс (ХИИ)-ийн судалгаагаар иргэдийн эдийн засгийн ойрын ирээдүйн хүлээлт гутранги болсон байгаа юм. Нөхцөл байдал ийм байхад дайн дээр давс гэгчээр ₮40 их наяд давсан төсөв баталж л байдаг нээрээ…