PISA-н 2025 оны үзүүлэлт гарлаа. Манай улсын хувьд уг шалгалтыг анх 2022 онд өгч байв. Харин одоо 2 дахь удаагийн шалгалтын үзүүлэлттэйгээ танилцацгаая. PISA бол дэлхий даяар 15 настнуудын уншиж, бодох, байгалийн ШУ-ын чадварыг үнэлдэг олон улсын шалгалт юм. 

• 📝 Товч: Монголын 15 настнуудын сурлагын үзүүлэлт олон улсын дунджаас доогуур хэвээр байгаа. Гэвч энэ удаагийн хувьд байгалийн ШУ-ы хичээлийн дундаж оноо 2022 оноос 12 оноогоор өссөн сайн мэдээтэй. Харин математик, унших чадварын үзүүлэлт уруудав. 

🔬 Байгалийн ШУ: Ахиц гарсан ч сурагчдын 43% нь суурь түвшинд хүрээгүй

Өчигдөр Боловсролын яам 2025 оны PISA гүйцэтгэлийн үнэлгээнд Монгол 91 орноос 49-р байранд эрэмбэлэгдэв хэмээн гол усаар нэг зарлалаа. Өнгөн тал дээрээ сайхан мэдээ. Гэвч бодит байдал нь нүүр уйлахаар л юм.  

Тухайлбал, ганц ахисан байгалийн ШУ-ы үзүүлэлт маань 424 оноо буюу Эдийн засгийн хамтын ажиллагаа, хөгжлийн байгууллагын (OECD) орнуудын дунджаас 60 оноогоор доогуур үзүүлэлт. Цаашлаад, шалгалт өгсөн 7,146 сурагчийн 43.1% нь суурь түвшинд хүрч чадалгүй бүдэрчээ.

• 💔 Дэлхийтэй өрсөлдөх ч яах вэ гэхэд, 1 танхим суралцаж буй эрэгтэй, эмэгтэй хүүхдүүдийн хүйсийн ялгаа ахиад л хөвж гарч ирсэн буюу охидын оноо хөвгүүдийнхээс дунджаар 23 оноогоор өндөр байжээ. Ер нь л байгалийн ШУ гэлтгүй үлдсэн 2 хичээл дээр ч охид, хөвгүүдийн шалгалтын оноо тэнгэр, газар шиг харагдана. 

📚🧮 Тоо бодох & унших чадвар 

Цаашлаад, математикийн дундаж оноо 419 буюу 91 улсаас 49-рт жагсав. Энэ нь OECD-н дунджаас 44 оноогоор доогуур үзүүлэлт. Харин унших чадвараар 374 оноо авч, 69-р байрт жагсаад буй. OECD-н дунджаас бол бүр 87 оноогоор доогуур үзүүлэлт юм. 

Эцэст нь… Жил жилийн ЭЕШ-ын онооноос л манай улсын боловсрол уруудсаар байгааг харж болно. Гэснээс сурагчид маань шалгалтын оноогоороо OECD-н дунджийг барахгүй байгаа ч AI хэрэглээгээрээ бол дунджаас дээгүүр үнэлэгдсэн байна лээ. Технологийн дэвшилтэй хөл нийлүүлэн алхаж байгаа нь сайшаалтай ч, эхлээд өөрийн тархиар бодож, сэтгэж сурахгүй бол ч…